1629/2006 Errege Dekretuaren arabera, Hizkuntza Eskola Ofizialetako irakaskuntzak hiru mailatan egituratzen dira, bakoitzean ikasturte bi egonik: Oinarrizko Maila (A2), Tarteko Maila (B1) eta Goi Maila (B2). Parentesi artean adierazitako mailak Hizkuntzentzako Erreferentzia Marko Europarrean (MCER) ezarritako mailei dagozkienak dira. 2007-08 ikasturte honetan, lehenengoko maila biak ezarri dira, plan zaharreko Goi Mailarekin (4. eta 5.) batera. 2008-09 hurrengo ikasturtean, Goi Maila ezarriko da.

• Ofiziala: zuzenekoa, ikaslea klaseetara joaten da eta ikasturteka azterketak egin ditzake dagozkion deialdietan.
• Librea: ikaslea ez da klaseetara joaten eta maila ezberdinetako ziurtapen frogetara soilik aurkezten da. Ez dago deialdi mugarik. Ezin daiteke hizkuntza baterako aldi berean matrikula ofiziala eta librea izan, ikasturte batean.

Maila edo ziklo bakoitzaren bukaeran ezarritako frogak gainditzeak dagokion ziurtagiri akademikoa ematen du:

• Oinarrizko Mailaren Ziurtagiria (A2).
• Tarteko Mailaren Ziurtagiria (B1).
• Goi Mailako edo Gaitasun Ziurtagiria. 2008-09 hurrengo ikasturtean, ziurtagiri hau Maila Aurreratuaren Ziurtagiria (B2) deituko denarekin ordezkatuko da.

Hiru titulu hauek ofizialak dira bai Autonomia Erkidegoan bai Estatu osoan.

- Goi Zikloko edo Gaitasun Mailako ziurtagiriak eta EGAk balio bera dute. (1998ko urriaren 6ko 263 dekretua; Euskal Herriko Buletin Ofizialean, urriaren 23an)
- Eusko Jaurlaritzak ondoko titulu-parekatzeak egiten ditu erakunde publikoetako langileentzat:

• Hizkuntza Eskola Ofizialeko 4. mailako ziurtagiria eta Hezkuntzako PL1 eta Euskal Administrazio Publikoko PL2 balio berekoak dira.
• Goi Zikloko edo Gaitasun Mailako ziurtagiria eta Hezkuntzako PL2 eta Euskal Administrazio Publikoko PL3 balio berekoak dira.